Nado en Xinzo de Limia, provincia de Ourense, no ano 1967, Otero Becerra fixa a súa residencia en Vigo obtendo diversos recoñecementos pola súa obra e traxectoria profesional. Entre eles, o feito de vestir os corredores dos hospitais galegos de referencia como puido ser O Meixoeiro no seu momento, e o Hospital Álvaro Cunqueiro agora.

Código de emoción é unha obra abstracta -tal e coma él apuntou nunhas declaracións ó xornal a Voz de Galicia-, na que debuxou tintes sanitarios en formas nas que se pode albiscar un goteiro.

O prolífico pintor e escultor galego atrapa un instante concreto e o convirte nun lugar para sempre. O vigoroso empastado do seu trazo desemboca nunha mistura impresionista e posimpresionista en canto o uso dos pinceis.

Nalgunhas pezas, o concepto figurativo da súa obra muta ata unha abstracción nas formas, que se van difuminando coma se as houberan sometido a unha gran ampliación, acercando unha flor ou unha rosa a escasos milímetros do ollo.