Microscopio século XIX

Microscopio dun só pé e dobre lente.
Sistema de enfoque de cremalleira.
Sen firma de fabricante.
Probablemente de fabricación francesa.
Segunda metade do século XIX

Máscara de anestesia

Máscara de anestesia que se complementa cunha botella de cristal para cloroformo. A botella leva un aplicador metálico e un tapón de cortiza. A máscara é de aceiro inoxidable que leva incorporada unha goma de sujección sobre a que se colocaba o algodón humedecido en cloroformo.

Comézase a utilizar a finais do século XIX.

Mesa xiratoria de exploración oftalmolóxica Rodenstock

O MUSAVI conta cunha mesa xiratoria de exploración oftalmolóxica doada pola familia do Doutor Telmo Pérez. A peza que aínda se conserva en bo estado é de gran valor histórico, xa que integraba todos os aparellos que se precisaban para a exploración oftalmolóxica e posterior graduación dos lentes:
Lámpada de fenedura, Queratómetro, Refractómetro e caixa de lentes. Dous separadores de madeira, sobre a superficie da mesa conformaban os catro espazos nos que se integraba cada unha destas pezas nun cubículo. 

Multostat aparello de electroterapia

O Multostat era un aparello para producir correntes de Leduc, unha corrente uniforme ritmicamente interrumpida. Empregado fai uns cen anos en tratamentos de electroterapia para as neuralxias e músculos, transformaba a corrente alterna en corrente continua de baixa intensidade, aplicable ó tratamento nas persoas. É precursor das actuais correntes galvánicas que se utilizan hoxe en día nos tratamentos de electroterapia.

Trócar

Instrumento usado en cirurxía para punzar unha cavidade e deixar unha porta aberta para, a través dela, realizar outras funcións; por iso consta dun punzón que permite perforar e unha cánula pola que, tras a punción, extráense os líquidos, introdúcese o gas na cavidade, deslízanse os instrumentos cirúrxicos, obtéñense as pezas extirpadas, colócanse as drenaxes, insérense as mallas, etc.

Tonómetro de Schioetz

A tonometría é a técnica empregada para medir a presión intraocular de forma indirecta a través da medida da tensión da membrana corneal. Mudou moito ó longo de case dous séculos, dende os primeiros intentos de William Browman (1826), consistentes na simple palpación a través do párpado superior, ás técnicas actuais. A primeira técnica que introduxo un instrumento realmente útil e sinxelo para a clínica foi a de Hjalmar Schioetz (1850-1927). Recibe o nome de Tonómetro de Schioetz, e o seu uso extendeuse rapidamente convertíndose no aparello estándar para medir a presión intraocular.

Aparello de Raios X Portátil

Este aparello de Raios X Portátil doado polo cirurxán Alberto Rodríguez Costa é unha peza de coleccionista. Década dos corenta e sesenta.

Electroimán Cirúrxico

A colección do MUSAVI na súa rama de oftalmoloxía conta cun aparello de grandes dimensións e moi chamativo. Estamos a falar do electroimán cirúrxico, un instrumento moi útil doado pola familia do oftalmólogo Telmo Pérez que empregábase para a extracción de corpos estranos metálicos intraoculares. 

Fotómetro de chama

Este é un fotómetro de chama, aparello empregado xunto co espectómetro de absorción, data de finais dos anos corenta e funcionaba cunha bombona de butano. Esta era necesaria para activar a chama do aparello e extraer os ions de sodio e potasio.

Vaso Train

O Vaso Train é un equipo de terapia por compresión de vacío. Empregábase para mellorar a circulación do sangue sobre todo nos membros inferiores.