A cama pesa persoas da marca Borghi & Saveri foi fabricada no ano 1969 e traída ó Hospital Xeral de Vigo para ser empregada no servizo de Nefroloxía. Alí a utilizaban para pesar ós doentes que foran sometidos a procedementos de diálise ou coidados intensivos para comprobar as fluctuacións de peso dos mesmos.

Cama pesa persoas

Ficha técnica

Nº Referencia:
MTNF01
Data de incorporación:
22/11/2017
Procedencia:
Pontevedra
Lugar de orixe:
Hospital Xeral
Época:
Entre 1950-1999
Propiedade:
Propietaria
Ano de fabricación:
1969
Número de serie:
345043-9
Modelo:
TIPO S. G2-120
Marca:
BORGHI & SAVERI

Descrición

Outra das xoias do MUSAVI é esta cama pesa persoas da marca Borghi & Saveri. Fabricada no ano 1969 foi traída ó Hospital Xeral de Vigo para ser empregada no servizo de Nefroloxía. Alí a utilizaban para pesar ós doentes que foran sometidos a procedementos de diálise ou coidados intensivos para comprobar as fluctuacións de peso dos mesmos.

Este tipo de doentes confinados a unha cama sen poderse mover do leito dado o seu estado crítico, contaban coa solución máis segura e cómoda para eles,  unha báscula incorporada.

Esta cama integra un sistema de amortigüación sobre unha plataforma de ferro apoiada en catro rodamentos para poder ser trasladada. Na época resultou ser un dos aparellos máis novedosos adquiridos á marca italiana que escomezou a súa andadura aló polo ano 1935. Estes primeiros produtores de aparellos de pesar convertéronse nunha das primeiras marcas de desenvolvemento de motores de combustión interna para automóbiles e motos de competición.

Vídeo

Descrición física

Medidas:
150X92X225
Cor:
metálica e branca
Forma:
Forma rectangular que se corresponde coa forma da cama, cun cabeceiro no que se atopa a báscula e catro rodas que soportan e permiten mover o aparello
Materiais:
Ferro, aceiro, vidro, aluminio.
Inscricións:
As lendas ou inscicións atópanse na propia báscula. Aparece reflectida nela a marca BORGHI & SAVERI. STRUMENTO PESA PERSONE O número de serie da peza: 345043-9 O modelo: TIPO S. G2-120 E a dirección: Pieve di Cento (Bologna) Italy TEL.: 90-21-28 No marxe ou metade inferior tamén podemos observar: Portata massima 120 kg. Divisione minima 100 kg. Pesata minima: 5 kg. Portata totale: 160 Kg. C.M. 3-1-1969 N. 345043 -9 C.M.
Estado:
Perfecto estado

Outras pezas de tecnoloxía

Mesa xiratoria de exploración oftalmolóxica Rodenstock

O MUSAVI conta cunha mesa xiratoria de exploración oftalmolóxica doada pola familia do Doutor Telmo Pérez. A peza que aínda se conserva en bo estado é de gran valor histórico, xa que integraba todos os aparellos que se precisaban para a exploración oftalmolóxica e posterior graduación dos lentes: Lámpada de fenedura, Queratómetro, Refractómetro e caixa de lentes. Dous separadores de madeira, sobre a superficie da mesa conformaban os catro espazos nos que se integraba cada unha destas pezas nun cubículo. 

Multostat aparello de electroterapia

O Multostat era un aparello para producir correntes de Leduc, unha corrente uniforme ritmicamente interrumpida. Empregado fai uns cen anos en tratamentos de electroterapia para as neuralxias e músculos, transformaba a corrente alterna en corrente continua de baixa intensidade, aplicable ó tratamento nas persoas. É precursor das actuais correntes galvánicas que se utilizan hoxe en día nos tratamentos de electroterapia.

Tonómetro de Schioetz

A tonometría é a técnica empregada para medir a presión intraocular de forma indirecta a través da medida da tensión da membrana corneal. Mudou moito ó longo de case dous séculos, dende os primeiros intentos de William Browman (1826), consistentes na simple palpación a través do párpado superior, ás técnicas actuais. A primeira técnica que introduxo un instrumento realmente útil e sinxelo para a clínica foi a de Hjalmar Schioetz (1850-1927). Recibe o nome de Tonómetro de Schioetz, e o seu uso extendeuse rapidamente convertíndose no aparello estándar para medir a presión intraocular.

Electroimán Cirúrxico

A colección do MUSAVI na súa rama de oftalmoloxía conta cun aparello de grandes dimensións e moi chamativo. Estamos a falar do electroimán cirúrxico, un instrumento moi útil doado pola familia do oftalmólogo Telmo Pérez que empregábase para a extracción de corpos estranos metálicos intraoculares. 

Fotómetro de chama

Este é un fotómetro de chama, aparello empregado xunto co espectómetro de absorción, data de finais dos anos corenta e funcionaba cunha bombona de butano. Esta era necesaria para activar a chama do aparello e extraer os ions de sodio e potasio.

Vaso Train

O Vaso Train é un equipo de terapia por compresión de vacío. Empregábase para mellorar a circulación do sangue sobre todo nos membros inferiores.

Equipo de neumotórax artificial Sistema Arévalo

O neumotórax artificial Sistema Arévalo é un aparello que xorde na primeira metade do S. XX para o tratamento de afeccións pulmonares como a tuberculose.

Lámpada de Raios Uva ou Lámpada Finsen

A lámpada de Finsen foi inventada polo científico danés que leva o seu nome, para o tratamento de diversas afeccións por medio da radiación ultravioleta. Foi empregada para casos de raquitismo e doenzas dermatolóxicas.
Microscopio E. Leitz WetzlarEcógrafo Siemens Sonoline