A lámpada de Finsen foi inventada polo científico danés que leva o seu nome, para o tratamento de diversas afeccións por medio da radiación ultravioleta. Foi empregada para casos de raquitismo e doenzas dermatolóxicas.

Lámpada de Raios Uva ou Lámpada Finsen

Ficha técnica

Nº Referencia:
MTDMCV01
Data de incorporación:
20/11/2017
Procedencia:
Pontevedra
Lugar de orixe:
Hospital Rebullón
Época:
Entre 1900-1924
Propiedade:
Propietaria
Ano de fabricación:
1920
Número de serie:
SU 500
Modelo:
Kunstliche Hohen Sonne
Marca:
ORIGINAL HANAU

Descrición

A lámpada de Finsen recibe o seu nome do Nobel Niels Ryberg Finsen, un danés nado nas illas Feroe no ano 1860. A falla de luz solar no arquipélago e as adversas condicións climatolóxicas levoáronno a investigar sobre a luz artificial e o seus efectos fisiolóxicos. Tralo descubrimento da capacidade destrutora dos raios ultravioletas, aplicados ás colonias de bacterias, desenvolveu unha lámpada eléctrica de arco voltaico para o tratamento do lupus tuberculoso. A chamada luz de Finsen.

Este achado levouno a percibir o Nobel de Mediciña no ano 1903. Premio que xa non puido recoller por mor dunha avanzada enfermidade que rematou coa súa traxectoria profesional ó ano seguinte.

Xa dende a súa época como estudante amosou gran interese polos beneficios terapéuticos da luz solar. A súa primeira investigación xirou en torno ó illamento dun grupo de enfermos de varíola. Nun primer termo pechounos en cuartos escuros e despois expuso as vexigas ás radiacións lumínicas a través de orificios nas cortinas, cun efecto satisfactorio e diminuindo o risco de deixar cicatrices. No ano 1896 fundou o Instituto Terapéutico Finsen orientado á investigación das cualidades deste tipo de luz.

A lámpada de Finsen supuxo un gran avance en relación ao raquitismo en zonas con escasa radiación solar o que deu en investigar os efectos da luz ultravioleta como xerador de vitamina D para curar outros tipos de procesos como a depresión estacional.

Vídeo

Descrición física

Medidas:
14 x 77 x 34
Cor:
metálica, crema e negra
Forma:
Base cilíndrica que remata en tres patas con rodas na que érguese unha forma tubular que conecta a base cunha lámpada con forma de casco que emite raios uva.
Materiais:
aceiro, aluminio, vidro.
Inscricións:
Contén dúas placas metálicas. Unha na base cilíndrica na que podemos ver: QUARZLAMPEN SU 500 GES mbH 110-250 v HANAU 8,0 4,6 A E outra na propia lámpada: ORIGINAL HANAU Kunstliche Hohen Sonne S 500
Estado:
Funcional anque en mal estado

Outras pezas de tecnoloxía

Mesa xiratoria de exploración oftalmolóxica Rodenstock

O MUSAVI conta cunha mesa xiratoria de exploración oftalmolóxica doada pola familia do Doutor Telmo Pérez. A peza que aínda se conserva en bo estado é de gran valor histórico, xa que integraba todos os aparellos que se precisaban para a exploración oftalmolóxica e posterior graduación dos lentes: Lámpada de fenedura, Queratómetro, Refractómetro e caixa de lentes. Dous separadores de madeira, sobre a superficie da mesa conformaban os catro espazos nos que se integraba cada unha destas pezas nun cubículo. 

Multostat aparello de electroterapia

O Multostat era un aparello para producir correntes de Leduc, unha corrente uniforme ritmicamente interrumpida. Empregado fai uns cen anos en tratamentos de electroterapia para as neuralxias e músculos, transformaba a corrente alterna en corrente continua de baixa intensidade, aplicable ó tratamento nas persoas. É precursor das actuais correntes galvánicas que se utilizan hoxe en día nos tratamentos de electroterapia.

Tonómetro de Schioetz

A tonometría é a técnica empregada para medir a presión intraocular de forma indirecta a través da medida da tensión da membrana corneal. Mudou moito ó longo de case dous séculos, dende os primeiros intentos de William Browman (1826), consistentes na simple palpación a través do párpado superior, ás técnicas actuais. A primeira técnica que introduxo un instrumento realmente útil e sinxelo para a clínica foi a de Hjalmar Schioetz (1850-1927). Recibe o nome de Tonómetro de Schioetz, e o seu uso extendeuse rapidamente convertíndose no aparello estándar para medir a presión intraocular.

Electroimán Cirúrxico

A colección do MUSAVI na súa rama de oftalmoloxía conta cun aparello de grandes dimensións e moi chamativo. Estamos a falar do electroimán cirúrxico, un instrumento moi útil doado pola familia do oftalmólogo Telmo Pérez que empregábase para a extracción de corpos estranos metálicos intraoculares. 

Fotómetro de chama

Este é un fotómetro de chama, aparello empregado xunto co espectómetro de absorción, data de finais dos anos corenta e funcionaba cunha bombona de butano. Esta era necesaria para activar a chama do aparello e extraer os ions de sodio e potasio.

Vaso Train

O Vaso Train é un equipo de terapia por compresión de vacío. Empregábase para mellorar a circulación do sangue sobre todo nos membros inferiores.

Equipo de neumotórax artificial Sistema Arévalo

O neumotórax artificial Sistema Arévalo é un aparello que xorde na primeira metade do S. XX para o tratamento de afeccións pulmonares como a tuberculose.

Lámpada de Raios Uva ou Lámpada Finsen

A lámpada de Finsen foi inventada polo científico danés que leva o seu nome, para o tratamento de diversas afeccións por medio da radiación ultravioleta. Foi empregada para casos de raquitismo e doenzas dermatolóxicas.
Microscopio trinocular Nikon Equipo de neumotórax artificial Sistema Arévalo