Este aparello de Raios X Portátil doado polo cirurxán Alberto Rodríguez Costa é unha peza de coleccionista. Década dos corenta e sesenta.

Aparello de Raios X Portátil

Ficha técnica

Nº Referencia:
MTRA03
Data de incorporación:
14/03/2018
Procedencia:
Pontevedra
Lugar de orixe:
Doazón
Época:
Entre 1950-1999
Propiedade:
Doada
Ano de fabricación:
non coñecido
Número de serie:
1843
Modelo:
Tipo TX 35
Marca:
Industria Radiológica S.L.

Descrición

Este aparello de Raios X Portátil doado polo cirurxán Alberto Rodríguez Costa é unha peza de coleccionista.

Esta é unha das partes máis chamativas do aparello que consta dun tubo con cabeza, o propio cono e a parte elétrica co cadro de mandos que regula os factores de exposición.

O equipo móbil consta de dous módulos. Un deles é o tubo con cabeza e cono cun pe con tres soportes; e o segundo o que contén a maleta co cadro de mandos. Este apóiase nunha mesa con catro pes con rodamentos da marca Involca.

Galería

Descrición física

Medidas:
55x1,59x90
Cor:
Crema e metálica
Forma:
Consta de dous módulos portátiles, nun deles e cun soporte con tres pes atopamos a cabeza do aparello co tubo e cono; no outro módulo o cadro de mandos nun maletín apoiado nunha mesa marca Involca con catro patas apoiadas en rodamentos.
Materiais:
Aceiro, ferro e vidro e goma.
Inscricións:
Na cabeza xusto debaixo do cono atopamos a seguinte placa metálica: Transf.: TX Nº: 1845 Prim: 220 Sec. 90Kv 3 Kw Na parte superior do maletín do cadro de mandos: Industria Radiológica S.L. Nun lateral: Un círculo con medidas de regulación que se poden accionar cunha chave No frontal: Industria Radiológica S.L. Madrid- C/Canarias, 60 Tipo TX35 Nº1843 V 110/220 No pe da mesa que soporta o cadro outra placa metálica na que figura a marca Involca.
Estado:
Bo estado de conservación

Outras pezas de tecnoloxía

Mesa xiratoria de exploración oftalmolóxica Rodenstock

O MUSAVI conta cunha mesa xiratoria de exploración oftalmolóxica doada pola familia do Doutor Telmo Pérez. A peza que aínda se conserva en bo estado é de gran valor histórico, xa que integraba todos os aparellos que se precisaban para a exploración oftalmolóxica e posterior graduación dos lentes: Lámpada de fenedura, Queratómetro, Refractómetro e caixa de lentes. Dous separadores de madeira, sobre a superficie da mesa conformaban os catro espazos nos que se integraba cada unha destas pezas nun cubículo. 

Multostat aparello de electroterapia

O Multostat era un aparello para producir correntes de Leduc, unha corrente uniforme ritmicamente interrumpida. Empregado fai uns cen anos en tratamentos de electroterapia para as neuralxias e músculos, transformaba a corrente alterna en corrente continua de baixa intensidade, aplicable ó tratamento nas persoas. É precursor das actuais correntes galvánicas que se utilizan hoxe en día nos tratamentos de electroterapia.

Tonómetro de Schioetz

A tonometría é a técnica empregada para medir a presión intraocular de forma indirecta a través da medida da tensión da membrana corneal. Mudou moito ó longo de case dous séculos, dende os primeiros intentos de William Browman (1826), consistentes na simple palpación a través do párpado superior, ás técnicas actuais. A primeira técnica que introduxo un instrumento realmente útil e sinxelo para a clínica foi a de Hjalmar Schioetz (1850-1927). Recibe o nome de Tonómetro de Schioetz, e o seu uso extendeuse rapidamente convertíndose no aparello estándar para medir a presión intraocular.

Electroimán Cirúrxico

A colección do MUSAVI na súa rama de oftalmoloxía conta cun aparello de grandes dimensións e moi chamativo. Estamos a falar do electroimán cirúrxico, un instrumento moi útil doado pola familia do oftalmólogo Telmo Pérez que empregábase para a extracción de corpos estranos metálicos intraoculares. 

Fotómetro de chama

Este é un fotómetro de chama, aparello empregado xunto co espectómetro de absorción, data de finais dos anos corenta e funcionaba cunha bombona de butano. Esta era necesaria para activar a chama do aparello e extraer os ions de sodio e potasio.

Vaso Train

O Vaso Train é un equipo de terapia por compresión de vacío. Empregábase para mellorar a circulación do sangue sobre todo nos membros inferiores.

Equipo de neumotórax artificial Sistema Arévalo

O neumotórax artificial Sistema Arévalo é un aparello que xorde na primeira metade do S. XX para o tratamento de afeccións pulmonares como a tuberculose.

Lámpada de Raios Uva ou Lámpada Finsen

A lámpada de Finsen foi inventada polo científico danés que leva o seu nome, para o tratamento de diversas afeccións por medio da radiación ultravioleta. Foi empregada para casos de raquitismo e doenzas dermatolóxicas.
Electroimán CirúrxicoTonómetro de Schioetz