Este é un fotómetro de chama, aparello empregado xunto co espectómetro de absorción, data de finais dos anos corenta e funcionaba cunha bombona de butano. Esta era necesaria para activar a chama do aparello e extraer os ions de sodio e potasio.

Fotómetro de chama

Ficha técnica

Nº Referencia:
MTAC01
Data de incorporación:
21/11/2017
Procedencia:
Pontevedra
Lugar de orixe:
Hospital Nicolás Peña
Época:
Entre 1950-1999
Propiedade:
Propietaria
Ano de fabricación:
1950
Número de serie:
3/1313
Modelo:
Modelo A
Marca:
Evans Electroselenium

Descrición

Este é un fotómetro de chama, aparello empregado xunto co espectómetro de absorción. A día de hoxe, modelos máis actualizados seguen empregándose nos laboratorios de análise clínica independentes e ós pertencentes aos hospitais.

Esta peza data de finais dos anos corenta aínda que se pensa que se podería haber comercializado entre os cincoenta e setenta. Polos datos obtidos polo MUSAVI sábese que este tipo de pezas foron postas en marcha en España nos setenta. Aínda que a mediados desa época xa funcionaban nos laboratorios e hospitais mostras máis avanzadas.

Este equipo funcionaba cunha bombona de butano. Esta era necesaria para activar a chama do aparello e extraer os ions de sodio e potasio. Estes se determinaban a través dunha mostra sanguínea que, coas dilucións previas, daba os niveis acadados mediante curvas de calibrado.

É sen dúbida unha das pezas máis antigas que establecían a determinación da fotometría de chama de xeito semiautomático. Este fotómetro é un Evans Electroselenium Ltd. Ésta foi unha empresa fundada por Arthur Evans a finais do 1930 e orixinouse a partir da explotación das aplicacións de fotocélulas de selenio.

Galería

Descrición física

Medidas:
23,5x33,5x41
Cor:
gris metálica
Forma:
forma rectangular con dúas alturas. A altura superior conten unha placa identificativa con bastante información do aparello. A inferior é a caixa cun vúmetro e unha rosca para regular a intensidade da chama.
Materiais:
aluminio, ferro.
Inscricións:
A placa do volumen superior: FLAME PHOTOMETER Made in England by EVANS ELECTROSELENIUM LTD. 1900- 1980 HALSTEAD ESSEX Registered design Nº 866150 PATENT Nº 712700 A placa do volumen inferior: INSTRUCTIONS, START 1. Switch on. 2. Unclamp Galvanometer. 3. Turn on GAS, ignite flame. 4. Turn on AIR, adjust to 10 lbs/in2. 5. Spray distilled water. 6. Adjust gas, see instruction book. STOP 1. Turn off GAS. 2. Wait till flame is extinguished. 3. Turn off AIR. 4. Switch off. 5. Clamp Galvanometer
Estado:
Perfecto estado

Outras pezas de tecnoloxía

Mesa xiratoria de exploración oftalmolóxica Rodenstock

O MUSAVI conta cunha mesa xiratoria de exploración oftalmolóxica doada pola familia do Doutor Telmo Pérez. A peza que aínda se conserva en bo estado é de gran valor histórico, xa que integraba todos os aparellos que se precisaban para a exploración oftalmolóxica e posterior graduación dos lentes: Lámpada de fenedura, Queratómetro, Refractómetro e caixa de lentes. Dous separadores de madeira, sobre a superficie da mesa conformaban os catro espazos nos que se integraba cada unha destas pezas nun cubículo. 

Multostat aparello de electroterapia

O Multostat era un aparello para producir correntes de Leduc, unha corrente uniforme ritmicamente interrumpida. Empregado fai uns cen anos en tratamentos de electroterapia para as neuralxias e músculos, transformaba a corrente alterna en corrente continua de baixa intensidade, aplicable ó tratamento nas persoas. É precursor das actuais correntes galvánicas que se utilizan hoxe en día nos tratamentos de electroterapia.

Tonómetro de Schioetz

A tonometría é a técnica empregada para medir a presión intraocular de forma indirecta a través da medida da tensión da membrana corneal. Mudou moito ó longo de case dous séculos, dende os primeiros intentos de William Browman (1826), consistentes na simple palpación a través do párpado superior, ás técnicas actuais. A primeira técnica que introduxo un instrumento realmente útil e sinxelo para a clínica foi a de Hjalmar Schioetz (1850-1927). Recibe o nome de Tonómetro de Schioetz, e o seu uso extendeuse rapidamente convertíndose no aparello estándar para medir a presión intraocular.

Electroimán Cirúrxico

A colección do MUSAVI na súa rama de oftalmoloxía conta cun aparello de grandes dimensións e moi chamativo. Estamos a falar do electroimán cirúrxico, un instrumento moi útil doado pola familia do oftalmólogo Telmo Pérez que empregábase para a extracción de corpos estranos metálicos intraoculares. 

Fotómetro de chama

Este é un fotómetro de chama, aparello empregado xunto co espectómetro de absorción, data de finais dos anos corenta e funcionaba cunha bombona de butano. Esta era necesaria para activar a chama do aparello e extraer os ions de sodio e potasio.

Vaso Train

O Vaso Train é un equipo de terapia por compresión de vacío. Empregábase para mellorar a circulación do sangue sobre todo nos membros inferiores.

Equipo de neumotórax artificial Sistema Arévalo

O neumotórax artificial Sistema Arévalo é un aparello que xorde na primeira metade do S. XX para o tratamento de afeccións pulmonares como a tuberculose.

Lámpada de Raios Uva ou Lámpada Finsen

A lámpada de Finsen foi inventada polo científico danés que leva o seu nome, para o tratamento de diversas afeccións por medio da radiación ultravioleta. Foi empregada para casos de raquitismo e doenzas dermatolóxicas.
Vaso TrainElectroimán Cirúrxico