O aparello de diatermia atopa a súa orixe no S. XX a través dos estudos de Tesla, D´Arsonval, Zeyneck e Nagelschmidt. Empregado para o tratamento de diversas patoloxías mediante a aplicación de correntes de alta frecuencia – calor- nas zonas afectadas e reactivando deste xeito o metabolismo celular, atópase ligada á electroterapia. O campo de aplicación no que atopamos resultados abarca fisioterapia, rehabilitación e medicina estética entre outros.

Aparello de Diatermia

Ficha técnica

Nº Referencia:
MTMFRE01
Data de incorporación:
20/12/2017
Procedencia:
Pontevedra
Lugar de orixe:
Donación
Época:
Entre 1950-1999
Propiedade:
Doada
Ano de fabricación:
1950- 1960?
Número de serie:
10094
Modelo:
Ultratherm S-500
Marca:
Siemens

Descrición

A Diatermia ten a súa orixe nos estudos desenvolvidos polo físico, enxeñeiro e gran Tesla, que axudado por D’Arsonval, contribuiu significativamente á ciencia a través das súas investigacións.

En 1930 foi o francés quen amosou que a frecuencia superior a 100 kHz aplicada por condución a través de electrodos de metal en contacto coa pel, fora capaz de quentar os tecidos profundos, sen efectos nocivos. Xurdiu a diatermia por condución.

Pero foi na segunda metade do século XX cando Zeyneck e Nagelschmidt melloraron a técnica a través de equipos avanzados. Estes permitiron o tratamento de diversas patoloxías mediante a aplicación de correntes de alta frecuencia (calor) nas zonas afectadas. ; o que reactiva o metabolismo celular.

Este tipo de técnica foi introducida en España en 1910 grazas ao Dr. Celedonio Calatayud. Este doutor foi pioneiro no uso da diatermia nas terapias xinecolóxicas, o que supuxo un gran avance a nivel internacional. Conseguiu desenvolver o seu propio estudio de diatermia ó mesmo tempo que os seus contemporáneos alemáns.

A diatermia está intimamente relacionada coa electroterapia. Servizos médicos privados, balnearios e hidroterapia ofrecen este tipo de sesións que nun tempo foron asociadas co tratamento de enfermidades do sistema nervioso e neurolóxicas: cabe suliñar o importante papel que tivo esta disciplina médica no tratamento da psicose, en que os doentes eran sometidos a tratamentos de diatermia cerebral na primeira década dos anos vinte usando correntes galvanizadas. Os doutores finalmente consideraron esta terapia, insegura e ineficente.

O ámbito no que se desenvolve inclúe traumatoloxía, fisioterapia, rehabilitación, medicina deportiva, reumatoloxía, xestión da dor, dermatoloxía e medicina estética.

Hoxe a diatermia ten efectos fisiolóxicos moi beneficiosos para a saúde:

  • Elevación da temperatura do tecido
  • Aumento do fluxo vascular mediante vasodilatación
  • Aporte máis elevado das endorfinas liberada
  • Antiinflamatorio
  • Antiespasmódicos
  • Difusión crecente nas membranas celulares: neuralterapia
  • Fluidificación de coloides e graxas
  • Xermicida
  • Contribución enerxética

Descrición física

Medidas:
18x55x14
Cor:
crema, negra, gris e metálica
Forma:
O dispositivo ten forma de cubo rectangular con cantos redondeados. Na parte superior do cubo atoparemos o panel de control da máquina cun vúmetro, o interruptor e dous fíos que regulan a intensidade das correntes: nunha, a letra S en maiúsculas e na outra o W. Completa o equipo un brazo armado que se proxecta dende un lado do cubo que remata en dous cabezais de onda curta. No interior do cubo atopamos o circuíto electromecánico co que funciona o dispositivo.
Materiais:
aceiro, aluminio, goma e plástico.
Inscricións:
Na cara frontal do cubo atopamos a marca do aparello no que figura "Siemens España". Na cara posterior hai dúas placas metálicas. No centro unha delas contén a seguinte advertencia: "¡Atención! Antes de abrir desconectar el aparato de la red". Embaixo desta, outra coas seguientes características técnicas: Nº10094 tipo S500 Volts pr 125/220 Volts sec 3400 Amp pr 5 Amp sec 02 KVA 50

Outras pezas de tecnoloxía

Mesa xiratoria de exploración oftalmolóxica Rodenstock

O MUSAVI conta cunha mesa xiratoria de exploración oftalmolóxica doada pola familia do Doutor Telmo Pérez. A peza que aínda se conserva en bo estado é de gran valor histórico, xa que integraba todos os aparellos que se precisaban para a exploración oftalmolóxica e posterior graduación dos lentes: Lámpada de fenedura, Queratómetro, Refractómetro e caixa de lentes. Dous separadores de madeira, sobre a superficie da mesa conformaban os catro espazos nos que se integraba cada unha destas pezas nun cubículo. 

Multostat aparello de electroterapia

O Multostat era un aparello para producir correntes de Leduc, unha corrente uniforme ritmicamente interrumpida. Empregado fai uns cen anos en tratamentos de electroterapia para as neuralxias e músculos, transformaba a corrente alterna en corrente continua de baixa intensidade, aplicable ó tratamento nas persoas. É precursor das actuais correntes galvánicas que se utilizan hoxe en día nos tratamentos de electroterapia.

Tonómetro de Schioetz

A tonometría é a técnica empregada para medir a presión intraocular de forma indirecta a través da medida da tensión da membrana corneal. Mudou moito ó longo de case dous séculos, dende os primeiros intentos de William Browman (1826), consistentes na simple palpación a través do párpado superior, ás técnicas actuais. A primeira técnica que introduxo un instrumento realmente útil e sinxelo para a clínica foi a de Hjalmar Schioetz (1850-1927). Recibe o nome de Tonómetro de Schioetz, e o seu uso extendeuse rapidamente convertíndose no aparello estándar para medir a presión intraocular.

Electroimán Cirúrxico

A colección do MUSAVI na súa rama de oftalmoloxía conta cun aparello de grandes dimensións e moi chamativo. Estamos a falar do electroimán cirúrxico, un instrumento moi útil doado pola familia do oftalmólogo Telmo Pérez que empregábase para a extracción de corpos estranos metálicos intraoculares. 

Fotómetro de chama

Este é un fotómetro de chama, aparello empregado xunto co espectómetro de absorción, data de finais dos anos corenta e funcionaba cunha bombona de butano. Esta era necesaria para activar a chama do aparello e extraer os ions de sodio e potasio.

Vaso Train

O Vaso Train é un equipo de terapia por compresión de vacío. Empregábase para mellorar a circulación do sangue sobre todo nos membros inferiores.

Equipo de neumotórax artificial Sistema Arévalo

O neumotórax artificial Sistema Arévalo é un aparello que xorde na primeira metade do S. XX para o tratamento de afeccións pulmonares como a tuberculose.

Lámpada de Raios Uva ou Lámpada Finsen

A lámpada de Finsen foi inventada polo científico danés que leva o seu nome, para o tratamento de diversas afeccións por medio da radiación ultravioleta. Foi empregada para casos de raquitismo e doenzas dermatolóxicas.
Lámpada de feneduraMicroscopio E. Leitz Wetzlar