O rectoscopio e un instrumento tubular duns 15 cm. que serve para a realización dunha proba de análise de patoloxías colonorectais.

Rectoscopio Conde

Ficha técnica

Nº Referencia:
MTCXAD01
Data de incorporación:
20/12/2017
Procedencia:
Pontevedra
Lugar de orixe:
Hospital Rebullón
Época:
Entre 1950-1999
Propiedade:
Propietaria
Ano de fabricación:
Entre 1960 e 1980
Número de serie:
7422
Modelo:
non especificado
Marca:
Conde

Descrición

O rectoscopio é un instrumento tubular duns 10- 15 cm. con sistema óptico incorporado para o exame do recto.  Emprégase para a proba chamada rectoscopia: una técnica de exploración vía endoscópica pola que se pode observar a parede interior do recto, coa finalidade de detectar a existencia de pólipos, tumores e outras patoloxías do tracto rectal.

O rectoscopio consta dun tubo guía ríxido, cunha lonxitude duns 15 cm. e preparado para conter outros de diferentes diámetros dacordo cos tipos de exploración e características idiosincrásicas. Ademáis dos accesorios inclúe un aparato de iluminación directa e no seu extremo está dotado dunha cámara (endoscopio) que neste caso introdúcese polo ano. As imaxes captadas pódense visualizar nunha pantalla de tal xeito que o doutor pode observar as paredes interiores do recto coa fin de detectar as posibles alteraciones patolóxicas nelas.

O tubo ten a posibilidade de incorporar unhas pinzas para tomar mostras do tecido (biopsia) e proceder á súa análise patolóxica.

A rectoscopia permite á diagnose de diferentes enfermidades que afectan ao recto: pólipos, hemorroides internas ou un tumor maligno. A día de hoxe realízase con sedación polo que non é unha proba dolorosa para o doente.

Descrición física

Medidas:
estuche: 7,5 x 16 x 15
Cor:
metálica
Forma:
o aparello ten forma tubular pero se compón de diferentes pezas, unha delas con forma de visor, outros tubos máis finos e as pinzas para tomar as mostras de tecido. Tamén incorpora cables e pezas soltas colocadas nun estuche de madeira forrado con gomaespuma.
Materiais:
aceiro inoxidable, madeira, vidro, plástico, cobre.
Inscricións:
Contén unha placa metálica no lateral de abertura do estuche. Nela figura "Fabricado en España" Nº7422, o logotipo da marca Conde e catro recadros baleiros.

Outras pezas de tecnoloxía

Mesa xiratoria de exploración oftalmolóxica Rodenstock

O MUSAVI conta cunha mesa xiratoria de exploración oftalmolóxica doada pola familia do Doutor Telmo Pérez. A peza que aínda se conserva en bo estado é de gran valor histórico, xa que integraba todos os aparellos que se precisaban para a exploración oftalmolóxica e posterior graduación dos lentes: Lámpada de fenedura, Queratómetro, Refractómetro e caixa de lentes. Dous separadores de madeira, sobre a superficie da mesa conformaban os catro espazos nos que se integraba cada unha destas pezas nun cubículo. 

Multostat aparello de electroterapia

O Multostat era un aparello para producir correntes de Leduc, unha corrente uniforme ritmicamente interrumpida. Empregado fai uns cen anos en tratamentos de electroterapia para as neuralxias e músculos, transformaba a corrente alterna en corrente continua de baixa intensidade, aplicable ó tratamento nas persoas. É precursor das actuais correntes galvánicas que se utilizan hoxe en día nos tratamentos de electroterapia.

Tonómetro de Schioetz

A tonometría é a técnica empregada para medir a presión intraocular de forma indirecta a través da medida da tensión da membrana corneal. Mudou moito ó longo de case dous séculos, dende os primeiros intentos de William Browman (1826), consistentes na simple palpación a través do párpado superior, ás técnicas actuais. A primeira técnica que introduxo un instrumento realmente útil e sinxelo para a clínica foi a de Hjalmar Schioetz (1850-1927). Recibe o nome de Tonómetro de Schioetz, e o seu uso extendeuse rapidamente convertíndose no aparello estándar para medir a presión intraocular.

Electroimán Cirúrxico

A colección do MUSAVI na súa rama de oftalmoloxía conta cun aparello de grandes dimensións e moi chamativo. Estamos a falar do electroimán cirúrxico, un instrumento moi útil doado pola familia do oftalmólogo Telmo Pérez que empregábase para a extracción de corpos estranos metálicos intraoculares. 

Fotómetro de chama

Este é un fotómetro de chama, aparello empregado xunto co espectómetro de absorción, data de finais dos anos corenta e funcionaba cunha bombona de butano. Esta era necesaria para activar a chama do aparello e extraer os ions de sodio e potasio.

Vaso Train

O Vaso Train é un equipo de terapia por compresión de vacío. Empregábase para mellorar a circulación do sangue sobre todo nos membros inferiores.

Equipo de neumotórax artificial Sistema Arévalo

O neumotórax artificial Sistema Arévalo é un aparello que xorde na primeira metade do S. XX para o tratamento de afeccións pulmonares como a tuberculose.

Lámpada de Raios Uva ou Lámpada Finsen

A lámpada de Finsen foi inventada polo científico danés que leva o seu nome, para o tratamento de diversas afeccións por medio da radiación ultravioleta. Foi empregada para casos de raquitismo e doenzas dermatolóxicas.
Balanza de precisión CobosLámpada de fenedura